الٹراساؤنڈا سکین کیاہے؟

#الٹراساؤنڈ_اسکین۔

#الٹرا_ساؤنڈ_اسکین_کیا_ہے؟

الٹرا ساؤنڈ اسکین میں آواز کی لہروں کا استعمال کیا جاتا ہے جن کے ذریعے کمپیوٹر اسکرین پر آپ کے بچے کی تصویر نظر آتی ہے۔ اس تصویر میں بچے کی پوزیشن اور حرکات دکھائی دیتی ہیں۔ بیشتر والدین یہ اسکین اس لئے کرواتے ہیں تاکہ وہ اپنے بچے کی پہلی جھلک دیکھ سکیں۔ تاہم اس اسکین کا بنیادی مقصد یہ ہوتا ہے کہ دیکھا جائے کہ آپ کے بچے کی نشوونما صحیح ہورہی ہے یا نہیں۔

#الٹراساؤنڈ_اسکین_کو_کس_لئے_استعمال_کیا_جاتا_ہے؟

اپ کے حمل کے مرحلے کے لحاظ سے، الٹراساؤنڈ اسکین اپ کے بچے کے دل کی دھڑکن چیک کرسکتا ہے۔یہ بتاسکتا ہے کہ آپ کے پیٹ میں ایک بچہ ہے یا اس سے زیادہ اکٹوپک حمل کے بارے میں پتہ لگا سکتا ہے جس میں جنین بچے دانی کے باہر بڑھنا شروع ہوجاتا ہے۔

اندام نہانی سے خون گرنے کے سبب کا پتہ لگا سکتا ہے۔اپ کے جسم کوناپ کردرست طور پر یہ بتاسکتا ہے کہ حمل کتنے دنوں کا ہے۔ یہ چیک کرسکتا ہے کہ آپ کے بچے کے اعضا صحیح طریقے سے نشوونما پا رہے ہیں یا نہیں؟

چند معذوریوں کی تشخیص کرسکتا ہےرطوبت امیونسی کی مقدار اور پلیسنٹا (آنول) کے بارے میں بتا سکتا ہےکئی اسکینوں کے بعد آپ کے بچے کی نشوونما کی شرح بتاسکتا ہے۔

#کیا_اسکین_میرے_بچے_کی_جنس_بتا_سکتا_ہے؟

ہاں، تقریباً 18 ہفتوں کےبعد سے ایسا ممکن ہے لیکن کچھ اسپتال آپ کے بچے کی جنس کے بارے میں نہیں بتائیں گے کیونکہ پورے طور سے یقین کے ساتھ کہنا مشکل ہوتا ہے۔

#اسکین_کس_طرح_کیا_جاتا_ہے؟

اگر آپ ابتدائی حمل میں اسکین کروارہی ہیں تو آپ کو اسکین کروانے سے پہلے کئی گلاس پانی پینے کی ضرورت ہوگی۔ اس سے بچے دانی اوپر کی طرف چلی جاتی ہے اور اس طرح سونو گرافر[ اسکین کرنے والی خاتون] آپ کے بچے کی اچھی تصویر دیکھ سکتی ہے۔ وہ آپ کے پیٹ پر ہلکا سا جیل لگا کر آپ کی جلد پر ہاتھ میں پکڑنے والا چھوٹا سا آلہ گھمائے گی تاکہ بچے کو اسکرین پر اچھی طرح دیکھا جاسکے۔

اگر آپ کا بچہ آپ کے پیڑو میں زیادہ اندر تک ہے یا آپ کا وزن زیادہ ہورہا ہے تو اندام نہانی کا اسکین ضروری ہوسکتا ہے۔ اس کے لئے ایک لمبے اور پتلے آلے کا استعمال کیا جاتا ہے جو اندام نہانی میں پورے طور پر فٹ ہوجاتا ہے۔ اس طرح کا اسکین خاص طور پر حمل کے ابتدائی مرحلے میں آپ کے بچے کی زیادہ واضح تصویر دیتا ہے۔

#کیا_الٹراساؤنڈ_سے_تکلیف_ہوتی_ہے؟

پیٹ کے اسکین سے کوئی تکلیف نہیں ہوتی ہے البتہ اگر آپ کا مثانہ بھرا ہوا ہے تو آپ کو اپنے پیٹ پر دباؤ کا احساس ہوتا ہے۔ اندام نہانی کے اسکین کا ایک فائدہ یہ ہے کہ اسے خالی مثانے کے ساتھ کیا جاتا ہے۔ اس لئے کئی عورتیں پیٹ کے اسکین کے مقابلے میں اس میں زیادہ آرام محسوس کرتی ہیں۔اسکین عموماً کب کئے جاتے ہیں؟

آپ کا پہلا اسکین غالباً 10 سے 13 ویں ہفتے کے درمیان ہوگا۔ اسے ڈیٹنگ اسکین کہا جاتا ہے اور اس سے اس بات کا پتہ چل جائے گا کہ آپ کتنے دنوں کی حاملہ ہیں۔ حمل کے 20 ویں ہفتے میں آپ کو ایک دوسرا اسکین [ اینوملی اسکین] کروانا ہوتا ہے تاکہ پتہ لگایا جاسکے کہ آپ کے بچے کی صحیح طور پر نشوونما ہورہی ہے۔

کبھی کبھی آپ کو اس کے علاوہ بھی اسکیں کرانے کی ضرورت ہوتی ہے۔ اگر آپ کو ابتدائی حمل میں کسی طرح کا درد ہے یا خون گررہا ہے تو آپ کو6 ویں یا 7 ویں ہفتے میں اسکین کروانا پڑ سکتا ہے۔

اگر آپ کا پچھلا بچہ چھوٹا تھا یا آپ کے پیٹ میں جڑواں بچے ہیں تو آپ کی ڈاکٹر یا دایہ آپ کو حمل کے آخری تین مہینوں میں گروتھ اسکین کا مشورہ دے سکتی ہے۔ حمل کی کچھ پیچیدگیوں میں بھی علیحدہ اسکین کی ضرورت ہوتی ہے۔ مثال کے طور پر اگرآپ ذیابیطس کی شکار ہیں۔

اگر آپ کے بچے کی قدوقامت توقع سے زیادہ بڑی ہے تب بھی آپ کی دایہ گروتھ اسکین کروانے کا مشورہ دے سکتی ہے۔

#کیا_مجھے_اسکین_کروانا_ہی_ہوگا؟

اسکین کے ذریعہ آپ کو اپنے حمل کے بارے میں کارآمد اور قابل اعتماد معلومات مل سکتی ہیں لیکن اسکین کروانا ضروری نہیں ہے۔ اگر آپ کی دایہ کسی اسکین کا مشورہ دیتی ہے تو آپ اس سے اس کی وجوہات پوچھ سکتی ہیں۔ آخری فیصلہ آپ کا ہوگا۔اگر اسکین کے ذریعہ کوئی جسمانی خرابی سامنے آتی ہے تو کیا ہونا چاہئے؟

اسکین کرتے ہوئے اگر سونوگرافر کو کوئی بھی چیز معمول کے مطابق نہیں لگتی ہے تو وہ آپ کو 24 گھنٹے کے اندر کسی ڈاکٹر کے پاس جانے کے لئے کہے گی اور اگر ضروری ہوا تو 72 گھنٹوں کے اندر کسی اسپیشلسٹ کے پاس جانے کے لئے کہے گی۔ اگر ایسی کوئی غیر متوقع حالت پیش آتی ہے جس میں آپ کے بچے کو صحت کا سنگین مسئلہ لاحق ہوجاتا ہے تو آپ کو سوچنے کے لئے وقت اور مدد کی ضرورت ہوگی۔ اس طرح کے حالات میں آپ کو اپنا حمل ختم کروانا پڑ سکتا ہے یا خصوصی توجہ کی ضرورت والے بچے کی ولادت کے لئے تیار ہونا پڑسکتا ہے۔ اسی طرح شاذونادر کیسز میں غیر مولود بچے پر ہی سرجری کی ضرورت پڑتی ہے۔

#کیا_الٹراساؤنڈ_محفوظ_ہے؟

حمل میں الٹرا ساؤنڈ کا استعمال تقریباً 30 سالوں سے ہوتا آرہا ہے اور طبی تحقیق میں اس کے کوئی ضمنی اثرات نہیں ملے ہیں۔ اس کے باوجود اکثر ماہرین اس بات سے اتفاق کرتے ہیں کہ بغیر کسی واضح طبی وجوہات کے الٹراساؤنڈ نہیں کرنا چاہئے۔

#طالب_دعا #پاکیزہ

اس موضوع کو جواب دیں

یہ سائٹ انفرادی کمپیوٹر، پرسنل سروس سیٹنگ، تجزیاتی و شماریاتی مقاصد، مواد اور اشتہارات کی کسٹمائزیشن میں فرق تلاش کرنے کے لئے کوکیز اور دوسری ٹریکنگ ٹیکنالوجیز کو استعمال کرتی ہے نجی معلومات کی حفاظتی اور کوکیز پالیسی